منتديات حكاية المنصورة

بسم الله الرحمن الرحيم

اهلا بك زائرنا العزيز ومرحبا فى منتديات حكايه

اذا كنت عضو فى منتدياتنا فتفضل بتسجيل الدخول

وان كانت هذه اول زياره لك فهذا يشرفنا ويسعدنا ان ندعوك الى الانضمام الينا


مع تحيات ادارة منتديات

حكـــــــايــــــــة

    جرب تركب مع سواق تاكسى لسه مسحوبه رخصته

    شاطر
    avatar
    احمد مدحت
     
     

    ذكر

    عدد المساهمات : 467

    العمر : 29

    المزاج : والله وحش بس الحمد الله

    جرب تركب مع سواق تاكسى لسه مسحوبه رخصته

    مُساهمة من طرف احمد مدحت في الثلاثاء 03 نوفمبر 2009, 7:12 pm

    عاوزك تركب مع سواق تاكسي لسه مسحوب منه الرخص , أول ما تشاورلو وتسأله فاضي يا اسطى, هيرد عليك وهو جايب آخره : بقولك ايه بقى انت هتصدعنا عاوز تركب اركب , مش عاوز البلد مليانة تكاسي , ثم انت شايف حد معايا ..... لأ , يبقى أنا اكيد فاضي ........... قال فاضي يا اسطي قال ........ أنا ايه إلي خالني أسوق توكسة ....... أنا اساسا مبحبش التوكسة .......... ماتركب يا استاذ انت هتصورني .

    - ايه يا عم انت مال ماسورة الكلام عندك مسربة ومطرطشة في كل ناحية كده .

    - معلش يا استاذ , اعذرني الرخص لسه مسحوبة وأنا مش طايق نفسي , اركب بس خليني أكملك الحكاية في السكة .......... بص يا سيدي أنا ماشي في أمان الله ولقيت الاشارة أحمر مصفر , طبيعي إني أعدي ......... لكن بعد ما عديت الاشارة لقيت الظابط بيوقفني ويقولي هات رخصك ........ بذمتك يا استاذ أنا كده غلطان .

    - يعني الاشارة كانت لسه صفرا ؟

    - هي مش صفرا قوي , هي الصفار بتاعها كان ابتدا يقلب على احمر .

    - يا عم انت جبتلي عمى ألوان ........ وبعدين أنا شايف إن الظابط مغلطش , انت كده كسرت الاشارة .

    - يا عم هي جت عليا , ما كل السواقين بيكسرو الاشارة ....... وأساسا الاشارة معمولة عندنا عشان نكسرها ............. وبصراحة السواق إلي مابيعرفش يكسر اشارات ده بيسقط من نظري ....... قال ايه الشارع فاضي والاشارة حمرا وهو واقف مستني ......... مستني ايه يا حمار ....... لما العسكري يبوس ايدك ويقولك انت واقف عندك بتعمل ايه ........


    مش عارف أقولك ايه ولا ايه يا استاذ , دي بقت عيشة هباب ...... يعني مثلا من كام يوم لقيت الشكمان بيطلع صوت يحسسك انك راكب طيارة , رحت عند الميكانيكي قالي الشكمان عنده ثقب في منطقة حساسة وده إلي مأثر على نفسية الشكمان وبيخليه يطلع الصوت ده , ولازما يتعمله عملية جراحية والثقب ده يتلحم قبل ما المرض ينتشر وتلاقي الشكمان بتاعك مخرم زي المصفى .......... وطبعا دفعت أد كده .

    ولا الكاوتش بتاع العربية كل شوية ألاقي العجلة نايمة وآجي أركب الفردة الجديدة ألاقي العجلة إلي جنبها مش عاجبها الحال, قال عاوزة تريح شوية وتنام زي زميلتها , أصلها مرهقة وتعبانة ........ حتى الكاوتش بقى يبص لبعضه يا استاذ .............. مفيش فردة كده تحمد ربنا عالعز إلي هي فيه ....... طب انتي منفوخة ومبألظة , ليه تبصي على فردة كاوتش مفسية ومعصعصة .

    والطرق يا استاذ , أجارك الله .......... الطرق دلوقتي بقت تتعمل بالحفر بتاعتها , وهينزل قانون جديد يحكم المسافة بين كل حفرة وحفرة , وعدد النقر في السم2 ........... كمان لما تطلع علي المطب كأنك طالع منط 10 متر , و كده كده بعد الهبوط هتلبس في إلي قدامك , إذا ما رشقتش في عامود نور , أو لقيت نفسك فوق الرصيف .

    و خلاص دلوقتي مش محتاج أروح معهد الرقص الشرقي عشان اتعلم الرقص , ما خلاص طول ما أنا آعد في العربية , العربية تترقص مع كل نقرة وحفرة ومع كل طلعة مطب , دا أنا بفكر أخلي العمود الفقري بتاعي بسوسوته عشان اعرف اترقص كويس مع العربية .

    مش عارف أقولك ايه ولا ايه يا استاذ .............. يا استاذ ............ يا استاذ ..... انت نمت يا استاذ !


    احمد مدحت
    فاكهه وعين اعيان علوم المنصوره
    avatar
    حلم مصرى
     
     

    ذكر

    عدد المساهمات : 1483

    العمر : 29

    المزاج : عااااااااااالم بحالى

    رد: جرب تركب مع سواق تاكسى لسه مسحوبه رخصته

    مُساهمة من طرف حلم مصرى في الثلاثاء 03 نوفمبر 2009, 10:25 pm

    ههههههههههههههههههههههههههههههههههههههههههههههههههههه

    نصيحه محدش يركب تاكسى سواقة مسحوبة رخصته



    avatar
    احمد مدحت
     
     

    ذكر

    عدد المساهمات : 467

    العمر : 29

    المزاج : والله وحش بس الحمد الله

    رد: جرب تركب مع سواق تاكسى لسه مسحوبه رخصته

    مُساهمة من طرف احمد مدحت في الثلاثاء 03 نوفمبر 2009, 11:51 pm

    شكرا على متابعتك يا حلم
    وانتظروا المزيد ان شاء الله
    avatar
    MAHMOUD
     
     

    ذكر

    عدد المساهمات : 618

    العمر : 29

    المزاج : زى الـــــفــــــل

    رد: جرب تركب مع سواق تاكسى لسه مسحوبه رخصته

    مُساهمة من طرف MAHMOUD في الأربعاء 04 نوفمبر 2009, 12:07 am

    هههههههههههههههههههههههههههههههههه
    بصراحة السواق دة مش مسحوبة رخصتة دة مسحوب من لسانة
    شكرا أحمد على الموضوع الجميل دة




    اللَّهُمَّ إني أسألك رحمة من عندك تهدي بها قلبي , وتجمع بها أمري , وتصلح بها غائبي , وترفع بها شاهدي ,

    وتزكي بها عملي , وتلهمني بها رشدي , وترد بها ألفتي , وتعصمني بها من كل سوء


    اللَّهُمَّ أعطني إيمانا ويقينا ليس بعده كفر

    ورحمة أنال بها شرف كرامتك في الدنيا والآخرة

    اللهم ارزقني حبك وحب من يحبك وحب كل عمل يقربني لحبك

    avatar
    احمد مدحت
     
     

    ذكر

    عدد المساهمات : 467

    العمر : 29

    المزاج : والله وحش بس الحمد الله

    رد: جرب تركب مع سواق تاكسى لسه مسحوبه رخصته

    مُساهمة من طرف احمد مدحت في الأربعاء 04 نوفمبر 2009, 12:18 am

    شكرا يا محمود على متابعتك
    ميرسى
    avatar
    m azzam
     
     

    ذكر

    عدد المساهمات : 814

    العمر : 28

    المزاج : Out Of My MoDe NoW!!

    رد: جرب تركب مع سواق تاكسى لسه مسحوبه رخصته

    مُساهمة من طرف m azzam في الأربعاء 04 نوفمبر 2009, 1:31 am

    ههههههههههههههههههههه
    بعد كده ياعم انا لما اوقف تاكس
    اساله اذا كان معاه الرخص بتاعته ولا لأ
    بلا وجع دماغ

    شكرا احمد عالموضوع الراااااااااائع

    تسلم ايدك يا غالي










    DON'T cry over anyone who won't cry over you!!!

    3zzam
    avatar
    احمد مدحت
     
     

    ذكر

    عدد المساهمات : 467

    العمر : 29

    المزاج : والله وحش بس الحمد الله

    رد: جرب تركب مع سواق تاكسى لسه مسحوبه رخصته

    مُساهمة من طرف احمد مدحت في الخميس 05 نوفمبر 2009, 9:57 pm

    صح بردك يا عزام علشان ما نتعبش من كلامهم
    شكرا على مرورك عزام

      الوقت/التاريخ الآن هو الأحد 23 سبتمبر 2018, 7:26 am