من طرف المصرى الاصيل
انا لما يملانى البكى ....... ابكى
واعيش حزين وقصتى ........ احكى
بسمعها بعض الناس وكلهم.... يبكى
وتمتد ايدهم تمسح على ........ ظهرى
نظرات عنيهم تقول مسكين .....وبيشكى
نظراتهم اسئله تحتاج جوابى وردى
نظراتهم بتقول ازمه وتعدى
وحروفهم بتمسح دمعه على خدى
اتارى كل الناس شمعه تنورلى
وكلامهم بلسم على جرحى
وبيظهروا دائما امام دمعى
بحب كل الناس من صميم قلبى
ويشهد بحبى رسمى وكمان اسمى
وسط الفرح احبابى وفى الاحزان اهلى
وهى دى اخلاق المصريه والمصرى
بحب مصر العزيزه واسمها امى
وبحب ناسها اللى شايلين همى
وبفتخر انى انا من مصر
ومصر دى اصلى
