من طرف tito الجمعة 04 سبتمبر 2009, 5:20 pmالنهارد عملت موضوع بس الناس هتستغربه شويا
النهاردا بقا بتكلم على الشباب ويلا نعيش مع الموضوع
والله احنا مظلومين قوى
شوفو الظلم بقى والفرق بين البنت والولد
لو اتعرفت البنت على شاب يبقى هى اكيد مش محترمة
انما هو لو اتعرف على بنت فدة طيش شباب شوفتو بقى الظلم
اذا البنت حبت يقولو عليها قليلة الادب ومش متربية
انما لما الولد يحب يقولو دة يا بختة الولد كبر وبقى بيحب شوفتو التفرقة العنصرية
اذا البنت اتاخرت برة البيت شويا لما ترجع تاخد ليها كلمتين على نظرتين من الجيران
لكن لو الولد اتاخر"مسكين بقالى ساعة بيذاكر عند صاحبة خلوة يغير وقت .. دة حاجة تحرق الدم
لو البنت تلعب بلاى استيشن او اكس بوكس قالو عليها مجنونة وهبلة ويقولو عليها عايشة دور الولد
اذا الولد لعب يقولو عادى شاب وعاوز يتسلى عادى مش حرام يعنينى مش عارفة ان هو اية يعنى
لو البنت لبست واترتبت وتانقت يبقى رايحة تستعرض او نيتها وحشة
والولد لو لبس واتعطر يبقى ولد روش وبيحب الموضة ياعينى على الموضة
لو البنت عملت حاجة غلط يدوها محاضرة فى الادب والاخلاق والشرف والدين
لو الولد غلط يضحكو ويقولو طيش شباب وبكر يكبر ويعقل على اساس انة لسة بيبى
لو البنت اتكلمت فى التليفون يقولو كلام مالوش داعى وتفاهة بنات اكيد فى حاجة مخبياها او بتلك ولحد
انما الولد لما يتكلم فى التلفون دة بيتكلم فى الشغل او مع صحبة عادى هههه واكيد هتكون بنت اللى على التلفون
ههههههههه يعنى على الشغل
لو البنت عيطت او عنيها مدمعة قالو اكيد شىء تافة اصل البنات حساسين وبيعيطو على الفاضى والمليان
اما الولد بقا لو بس عينو دمعت مش عيطت قالو مسكين اكيد فى حاجة جامدة مزعلاة وهو هتلاقى البت بتاعتو فرقعتو ههههههههه
لو البنت نابغة وشطورة فى حاجة مثلا قالو ان الحاجة دى سهلة وممكن اى حد يتميز فيها
انما الولد بقا شاطر فى نفسى الحلجة دى قالو دى جاجة صعبة ازاى قدر يتميز فيها
والحقيقة هى دى اللى ماشية فى مجتمعاتنا
بس ياترا لية !!!!!؟
مساااااااااااااااكين البنات والله
