من طرف shy rose الجمعة 18 سبتمبر 2009, 3:22 pm
جلس البكش على شاطىء البحر .. عشان يقضى الصيف ويعيش حياته ويكون واد روش وكاجوال .. فوجىء أبو البكش وهو قاعد يشرب العصير وممدد رجليه على البلاج .. واحد بيقوله :لو سمحت اتجاه القبله فين ؟!! بص له ابو البكش وضحك وهو بيقول له : أنت تايه ولا إيه ؟؟ قبلة إيه .. يا عم !!
أنت قصدك القبلة ولا الشمسية .. ؟؟!
قال أبو المفهومية: لا انا قصدى القبلة ؟! قال أبو البكش القبلة دى بتاع إيه ؟؟فرد : بتاع الصلاة .. قال أبو البكش : ااااااااه الصلاه ... ليه هو الضهر ادن ؟ قال : ظهر إيه دا العصر ادن وداخلين على المغرب .. استغرب ابو البكش وقال له ؟:طيب وايه علاقة العصر بالقبلة ؟؟؟ ضحك أبو المفهو مية وقال له ": عشان أصلى .. نظر أبو البكش لبعيد وقال : اااه تصلى ... يا عم احنا بنصيف ورب رب قلوب .. لما أروح الشالية هصلى الست أوقات على بعض !!!!
قال ابو المفهومية : الست أوقات .. يعم هما فجر وظهر وعصر ومغرب وعشاء فقال ابو البيكش : آه اصل انا بصلى ركعتين زيادة عشان أخرت الصلاة عن معادها !!!
وربك رب قلوب ...
قال أبو المفهومية : كلامك ده ميرضيش ربنا وافرض انك ملحقتش تروح وفاتتك الأوقات دى .. وربنا رب قلوب وعمل أنت متعرفش كده .. وقل اعملوا فسيرى الله عملكم ورسوله والمؤمنون ..
قام أبو البكش يسأل معاه عن القبلة وصوا العصر جماعة .. وقال ابو البكش : الحمد لله انا ارتحت لما صليت فرض ربنا ورضيته عنى .. والله دا نا كنت فاهم ان الصلاة هم تقيل على قلبى .. بس سبحان الله .. مفيش أجمل من كده .. وشوية والمغرب ادن : قام ابو البكش وادن وقال : يا جماعة يله نصلى المغرب جماعة !!!!
